Mishkat Sharif — Hadith (internal ref #1911132)
عَنْ اُمِّ حَبِےْبَۃَ رَضِیَ اللّٰہُ عَنْھَا اَنّھَا قَالَتْ قَالَ رَسُولُ اللّٰہِ صَلَّی اللّٰہ عَلَیْہَ وَسَلَّمَ مَنْ صَلّٰی فِیْ یَوْمٍ وَّلَیْلَۃٍ ثِنْتَیْ عَشَرَۃَ رَکْعَۃٍ بُنِیَ لَہُ بَیْتٌ فِیْ الْجَنَّۃِ اَرْبَعاً قَبْلَ الظُّہْرِ وَرَکْعَتَیْنِ بَعْدَ ھَا وَرَکْعَتَیْنِ بَعْدَ الْمَغْرِبِ وَرَکْعَتَیْنِ بَعْدَ الْعِشَاءِ وَرَکْعَتَیْنِ قَبْلَ صَلٰوۃِ الْفَجْرِ رَوَاہُ التِّرْمِذِیُّ وَفِیْ رَوَایَۃٍ لِمُسْلِمٍ سَمِعْتُ رَسُوْلَ اللّٰہِ صلی اللہ علیہ وسلم ےَقُوْلُ مَا مِنْ عَبْدٍ مُّسْلِمٍ ےُّصَلِّیْ لِلّٰہِ کُلَّ ےَوْمٍ ثِنْتَیْ عَشَرَۃَ رَکْعَۃً تَطَوُّعًا غَےْرَ فَرِےْضَۃٍ اِلَّا بَنَی اللّٰہُ لَہُ بَےْتًا فِی الْجَنَّۃِ اَوْ اِلَّا بُنِیَ لَہُ بَےْتٌ فِی الْجَنَّۃِ۔(صحیح مسلم)
" حضرت ام حبیبہ رضی اللہ تعالیٰ عنہا راوی ہیں کہ رسول اللہ صلی اللہ علیہ وسلم نے فرمایا جو آدمی دن و رات میں بارہ رکعتیں نماز پڑھے تو اس کے لیے جنت میں گھر بنایا جاتا ہے اور وہ بارہ رکعتیں یہ ہیں چار رکعت ظہر (کی فرض نماز) سے پہلے اور دو رکعت اس کے بعد، دو رکعت مغرب کی فرض نماز کے بعد ، دو رکعت عشاء کی فرض نماز کے بعد اور دو رکعت فجر کی فرض نماز سے پہلے۔" (جامع ترمذی ) " اور صحیح مسلم کی ایک روایت کے الفاظ یہ ہیں کہ حضرت ام جیبہ نے فرمایا میں نے رسول اللہ صلی اللہ علیہ وسلم کو فرماتے ہوئے سنا ہے کہ جو بندہ مسلمان ہر دن میں اللہ جل شانہ کے لیے فرض نمازوں کے علاوہ بارہ رکعتیں (سنت ) پڑھتا ہے تو اللہ تعالیٰ اس کے لیے جنت میں گھر بناتا ہے یا یہ فرمایا کہ " اس کے لیے جنت میں گھر بنایا جاتا ہے۔" تشریح حدیث میں دن و رات کی سنتوں کی جو تعداد مذکورہ تفصیل کے ساتھ بتائی گئی ہے وہ تمام سنتیں مؤ کدہ ہیں اور فجر کی دونوں سنت رکعتیں سب سے زیادہ مؤ کدہ ہیں حتی کہ حضرت امام حسن بصری رحمہ اللہ تعالیٰ علیہ اور بعض حنفیہ حضرات نے ان کو واجب تک کہا ہے امام حسن بصری رحمہ اللہ تعالیٰ علیہ نے تو مغرب کی دونوں سنتوں کو بھی واجب کہا ہے لیکن اس حدیث کے پیش نظر ان کے قول کی تردید کی گئی ہے کہ وہ واجب نہیں بلکہ سنت ہیں۔
-