وَعَنْ اَبِی ھُرَیْرَۃَ قَالَ کَانَتْ قِرَا ءَ ۃُ النَّبِیِّ صلی اللہ علیہ وسلم بِاللَّیْلِ یَرْفَعُ طَوْرًا وَیَخْفِضُ طَوْرًا۔ (رواہ اابوداؤد)

" اور حضرت ابوہریرہ رضی اللہ تعالیٰ عنہ فرماتے ہیں کہ رات کی نماز میں سرور کائنات صلی اللہ علیہ وسلم کی قر اءت مختلف ہوتی تھی ۔ کبھی تو آپ صلی اللہ علیہ وسلم بلند آواز سے قرات فرماتے ہیں اور کبھی پست آواز سے ۔" (ابوداؤد) نشریح مطلب یہ ہے کہ جیسا وقت اور موقع دیکھتے اسی کے مطابق قرات فرماتے، چنانچہ علماء نے لکھا ہے کہ اگر آپ صلی اللہ علیہ وسلم تنہا ہوتے اور دوسروں کی نیند خراب ہونے کا خدشہ نہ ہوتا تو آپ صلی اللہ علیہ وسلم بآواز بلند قرائت فرماتے تھے اور اگر آس پاس کوئی سویا ہوا ہوتا تو پھر آپ صلی اللہ علیہ وسلم اس کی نیند اچاٹ ہونے کے خوف سے قرات پست آواز سے فرماتے تھے۔

-